NIIT తో నా అనుబంధం ...1

గురు పూజోత్సవ శుభాకాంక్షలతో ...టీచర్స్ డే అనగానే చిన్నప్పుడు బాగా సంతోషం గా ఉండేది...ముందు రోజునుండే పూలు కొని పెట్టడమో,లేక తెలిసిన వాళ్ళ ఇంట్లో కోసుకురావడమో చేసే వాళ్ళం.. ఎక్కువ గా ఎన్ని పులమాలలు వస్తాయో ,ఆ మాస్టారే గొప్ప అని చాలా చాలా గొప్పలు చెప్పేవాళ్ళం.నాకు చాలా ఇష్టమయిన పండగలలో ఇది కూడా ఒకటి,,,ఎందుకంటే ..ఆ రోజు హాఫ్-డే స్కూల్ ఉండదు కాబట్టి.


ఇలా చెప్పుకుంట పోతుంటే, నాకు నేను NIIT లో faculty గా చేసిన రోజులు గుర్తుకు వస్తున్నాయి..అందరూ ఇంజనీరింగ్ పిల్లలే వచ్చే వాళ్ళు.నాకు ,వాళ్ళకు పెద్దగా వయస్సులో తేడా లేక పోవడంవళ్ళ ,బాగా చనువు గా ఉండే వాళ్ళు.మాకు క్లాసు నాలుగు గంటలు ఉంటది..కాని పిల్లలు అస్సలు చెప్పనిచ్చే వాళ్ళు కాదు . కాని చెప్పిన కొంచం సేపు అయిన స్ట్రిక్ట్ గా ,అర్థం అయ్యేలా చెప్పేదాన్ని అనుకోండి...అందుకే నేను చాల తరగతులకు ఇష్టమయిన పంతులమ్మని ... తెలుసా ???ఎందుకంటే ..ఎగ్జామ్స్ టైం లో బాగా హెల్ప్ చేసేదాన్ని కూడా!!!నాకు ఇంకా బాగా గుర్తుంది ...ఒకసారి నా పుట్టిన రోజు పండగ ...అన్ని తరగతుల వాళ్ళు కలిసి చాల వయిభవంగా నిర్వహించారు...ఒక చీరని కూడా బహుకరించారు.కానీ నాకు కట్టుకోవడం రాదు అని చెప్పలేక పోయాను ...ఏదో వాళ్ల అభిమానం అనుకున్న..తరువాత తెలిసింది ఆ రోజు జరగవలిసిన అన్ని తరగతులు పోస్ట్పోన్ చేయాలి అని.ఎం చేస్తాం వాళ్ల సంతోషమే నా సంతోషం కదా,పోనిలే అని వదిలేసా.కాని ఆ అభిమానం హద్దులు దాటింది అండి..
ఒక రోజు పొద్దు పొద్దున్నే (8 am )ఒక స్టూడెంట్ కాల్ చేసాడు..నేను నిద్రలో నే ఉండి ఫోన్ లో ....

నేను:"హలో "
స్టూడెంట్: "మేడం ,నేను X (పేరు గుర్తుకు లేదు లెండి) "
సరే నేను ఆఫీసు కి వచ్చి మాట్లాడతా ...అని కట్ చేశాను ..మళ్ళి ఫోన్ రింగ్ అయింది ..
నేను:"హలో "
స్టూడెంట్: "మేడం ,నేను X ని "
నేను:"ఆఫీసు లో మాట్లాడతాను అని చెప్పా కదా !!"
స్టూడెంట్: "మేడం,ఒక్కసారి నేను చెప్పేది వినండి ,ఆఫీసు లో అంటే కష్టం"
నేను:" హ్మ్మం ....చెప్పు బాబు "

స్టూడెంట్:"మాకు రేపు పరీక్షా "

నేను:"అవును "

స్టూడెంట్:"అదే మీకు ఒకసారి గుర్తు చేద్దాం అని"

నేను:"ఏంటి ఎగసెకలా?"(బ్రహ్మానందం డయిలాగు)

స్టూడెంట్:"అల అని కాదు ,నేను ఖచితంగా పాస్ కావాలి మేడం"

నేను:"చదువు మరి,ఏమయినా అర్థం కాకుంటే నేను చేపుతలే ఇవాళ "

స్టూడెంట్:"అదంతా కుదరని పని "

నేను:"అంటే"

స్టూడెంట్:"మీకు ఏం కావలి అంటే ,అది ఇస్తా నాకు పరీక్షలో సహాయం చేయాలి,నేను ఇంత వరకు పుస్తకం కూడా తీయలేదు .ప్లీజ్ మేడం "

నాకు సుక్కలు ,ఆకాశం అన్ని కనపడ్డాయి.


ఏందీ,నాకు ఏం కావలి అంటే అది ఇస్తాడు అంట...నిద్ర మత్తు మొత్తం పోయింది అనుకోండి.


మళ్ళి ఫోన్ లో


నేను:"సరే ఇవాళ నా ఆఫీసు రూం లో కలుద్దాం "

స్టూడెంట్:"థాంక్స్ మేడం ,ఇంకా నిద్ర లేవ లేదు అనుకుంట ..మీరు పడుకోండి "


మా బాబే...ఎంత మంచి మనసో ,పిచ్చిసన్నాసి ....అని అనుకోని ,ఎదావిదిగా మళ్ళి నిద్ర పోయాను లెండి.


ఇంతకు నేను ఏం చేసి ఉంటానో guess చేయండి చూద్దాం!!!....హ్యాపీ డేస్ సినిమా లో శ్రేయ మేడం లా...రూం కి తీసుకెళ్ళి మందలించానో లేక వాళ్ల నాన్న ఆస్తి లో భాగం అడిగానో ???


మీకే వదిలేస్తున్న....నేను ఏం చేశాను అన్నది తరువాతి టపా లో ....