I miss u my friend...

విను ...ఒక మంచి కాఫీ లాంటి అబ్బాయి.నిజం ఈ కాప్షన్ తనకు నూటికి నూరు శాతం సూటు అవుతుంది.సున్నిత స్వభావం,మంచి మనసు ఉన్న అబ్బాయి.అటు ఇటు పెళ్లి కావలసిన వయస్సు...కానీ ఇంతవరకు మాట వరసకు కూడా అమ్మాయిల టాపిక్ చెప్పిన సందర్బాలు లేవు.నాకు ఒక మూడు సంవత్స్తరాలు గా మంచి మిత్రుడు.తమిళ్ అబ్బాయి ..పల్లెటూరు వాతావరణం లో పెరిగి వచ్చాడు .అందులోను వాళ్ళ నాన్న గారు రిటైర్ అయిన అర్మి ఉద్యోగి.కొంచం బరువు ,బాధ్యతలు ఎక్కువే అనుకోండి(కొంచం కాదు లెండి ,మోయలేనంత ఎక్కువ )...ఇద్దరు అక్కలకి పెళ్లి చేసాడు,ఒక అక్క కి ఇంకా పెళ్లి చేయాలి....ఏదో మెదడు సంభంద వ్యాదితో బాధపడుతున్న అన్న ఉన్నారు...ఇవన్ని చక్క పెట్టి....తను పెళ్లి చేసుకోవాలి...!!!! బహుశా ఈ భాద్యతలే  తనను తన గురించి ఆలోచించ నివ్వట్లేవు కాబోలు.  

 

ఫ్రెండ్ అని మోసేస్తున్న అనుకోకండి...నిజం గా చెపుతున్న అండి...చాలా చాలా మంచి కుర్రాడు.మీరే చెప్పండి ఈ కాలం లో తన గురించి కాకుంట కుటుంబం గురించి పాకులాడే వాళ్ళు ఎంత మంది ఉంటారు ???నాన్న కు వచ్చే పెన్షన్ ఏమాత్రం సరిపోతుంది చెప్పండి...ఇద్దరు అక్కలకి పెళ్లి చేసిన ..సారెలు,చీరాల పేరుతో వాళ్ళని కూడా చుసోవాల్సిందే.ఇవన్ని తన బాధ్యతగా తనే చక్కగా నెరవేర్చు కొస్తాడు..చాలా ఓపికగా ..ఎన్ని ఇబ్బందులు వచ్చినా...మా ఫ్యామిలీ కోసమే కదా అని భరిస్తాడు ...మాతో పటు ఆఫీసు కొస్తాడు ....సాయంత్రం టైం లో ప్రైవేటు పాఠాలు చెపుతాడు....ఒక సారి ఆన్సయిటు ఛాన్స్ వస్తే వద్దు అంటున్నాడు...తనకు డబ్బు ఎంత అవసరమో నాకు బాగా తెలుసు మరి ఇదేంటి బంగారం లాగా వచ్చిన ఛాన్స్ వద్దంటాడు?ఏంటా అని ఆరా తీస్తే .... అక్క కి బాబు పుట్టి అయిదు నెలలు అయింది ...మేడలో బంగారు గొలుసు వేయకుండా పంపిస్తే వాళ్ళ అయన ఊరుకోరు ...ఇప్పుడు నేను దుబాయ్ వెళ్తే ...ఆ డబ్బు ఎవరు సద్దుతారు అని చెప్పి, వాపోయాడు!!! ...నాకు చాలా బాధేసింది ..సరే అ డబ్బు నేను మీ ఇంట్లో ఇస్తాను, నువ్వు వెళ్ళు దుబాయ్ కి అని చెప్పాక ...ఒప్పుకున్నాడు.... చూసారా అండి!!!...ఎంతగా ఆలోచిస్తున్నాడో ఫ్యామిలీ గురించి.

         ఇప్పుడు ఎందుకు ఇతని గురించి చెపుతున్న అనుకుంటున్నారా???వస్తున్నా,వస్తున్నా ...అక్కడి కే వస్తున్నా.....తనకి చాలా మంచి జీతం తో ....HP  లో ఉద్యోగం వచ్చింది అండి....ఇవాళే మా కంపని లో లాస్ట్ వర్కింగ్ డే ....ఇంత మంచి మిత్రున్ని దూరం చేసుకున్తున్నమే అని కొంచం బాధగా ఉంది....అదీ కాక...నేను ఎప్పుడు తనని సరదాగా ఏడిపిస్తా ఉంటా....ఇకపయిన ఎవరిని ఏడిపించాలో ఎమో???ఒకటే దిగులు గా ఉంది...కానీ విను మాత్రం తెగ సంతోషం గా ఉన్నాడు...శాలరీ మాత్రమే కాదు అంట...నా వచ్చీ, రాని తమిళ్ నుంచి తనకు ఉపశమనం కలిగింది అని తెగ సంబర పడి పోతున్నాడు....కాని నేను వదల కదా!!!...నాకు కూడా HP ఉండే కాంపస్ లోనే ఇంకో మంచి కంపెనీ లో ఉద్యోగం వచ్చిందోచ్ ......వదల బొమ్మలి ...వదల......!!!!!

             ఏదీ ఏమయినా తనని మిస్ అవ్వబోతున్నాం అని చాలా బాధగా ఉంది....కానీ తను ఇకనయిన చక్క స్థిర పడాలి అని మనసారా కోరుకుంటూ...I wish all the very best for your bright future my dear friend.All is Well.


ఇంకో మాట అన్డోయి...విను కి ఇప్పుడే ఒక గర్ల్ ఫ్రెండ్ దొరికింది ,,,,ఇప్పుడే మెసేజ్ ల దగ్గర ఉన్నారు....అదీ అలా అలా .....పెళ్లి వరకు రావాలని మనస్పూర్తిగాకోరుకుంటున్నాను.